يا اما على انفسنا فى التقدم يا نعود لماضينا

يا إما نعتمد على أنفسنا
فى التقدم يا نعود لماضينا
-------------------------
يا صانع الفخار
صنعلى قلة وزير
لحسن هاموت من العطش
واحنا حدنا النيل
وصنعلى
كانون ومجـــــــــــور
اطبخ عليه طبختى
ولا الغـــــــــــاز الف ادور
اشم ريحة الدمعة بالكمــون
اسكر انا من طعام العشـاء
أنام انا مطرحى
لصبح حتى أقــــــــــــــوم
واعجن فى الماجور
النظيف عجنـــــــــــــــتى
تخمر بهدوء وسكــــــــون
وفى فرن بلدى
طينه وعجينه من تراب بلـــدى
وقوده من زرعتى
فى أرضـــــــــــــــــــــــــى
واخبز أنا رغيف
نظيف مضمـــــــــــــــــــون
اتمنى يكون
من حصاد بلــــــــــــــدى
ولوكان قديد بحلبته يجــدى
وهايشرح كده صــــــــــدرى
لأنه من تراب بلــــــــــــدى
وكفاية بقى نملاه البطون
بديـــــون
ويا تاجر الخردة رجعلى
وابور الجــــــــــــاز
الحق علي انا ما عرفتش
انه فى يوم يتعــــــاز
من ضمن مشاكلنا
أنبوبة البوتاجـــــــــــــــــاز
ويا صيادين السمك
ويا بايعينـــــــــــــــــــــــه
البحر باعــــه بكـــــــــــــام؟
ويا خبازين البلد
ياللا اخبزوا البتـــــاو
كفاية أكل الرغيف
الى أتعجن بلبـان
ويا فلاحين البلد
كتر السمــــــــــاد فى الأرضى
خلا طعم الخضره
بالألـــــــــــــــوان
عجبت ليك يا زمن
يللى اتمليت الغــــــــــــــاز
شيبت فينا الرضيع
مشى على عكـــــــــــــــاز
رمزى حسن شحاتة